”აზოვის” ბატალიონი – პუტინი ფიქრობს, რომ ”აზოვი” ”აზოვსტალის” ნანგრევების ქვეშ დარჩა – ”აზოვი” ცოცხალია, ვიბრძოლებთ მანამ, სანამ უკრაინის ყველა ქალაქი და სოფელი არ განთავისუფლდება ოკუპანტებისგან

“აზოვის” ბატალიონის განცხადებით, მარიუპოლი რუსი დამპყრობლებისგან გათავისუფლდება ისე, როგორც რვა წლის წინ.

„აზოვი“ ცოცხალია და ქალაქიც გააგრძელებს ცხოვრებას. ჩვენ შურს ვიძიებთ ყველა დაღუპულისთვის, ყველა დანგრეული შენობისთვის, ყველა ქუჩისთვის. პუტინი ფიქრობს, რომ “აზოვი” „აზოვსტალის“ ნანგრევების ქვეშ დარჩა, მაგრამ აზოვი ახლა მთელი ქვეყანაა“, – ნათქვამია „ტელეგრამში“ გავრცელებულ შეტყობინებაში.

მათივე მტკიცებით, „აზოვი“ მარიუპოლს დააბრუნებს.

„ჩვენ ვიბრძოლებთ მანამ, სანამ უკრაინის ყველა ქალაქი და სოფელი არ გათავისუფლდება ოკუპანტებისგან“, – აცხადებენ „აზოვის“ ბატალიონის დამცველები.

შეგახსენებთ, უკრაინელი სამხედროები მარიუპოლს 80 დღეზე მეტი ხნის განმავლობაში იცავდნენ. რუსი დამპყრობლების მიერ ბლოკირებული „აზოვსტალის“ ქარხნიდან უკრაინელი დამცველების ევაკუაცია 16 მაისს დაიწყო და რამდენიმე დღის განმავლობაში გაგრძელდა.

Related posts

კომენტარის დამატება