რუსეთი ხერსონის რეგიონში რუსეთის მოქალაქეობის მიღების მსურველთათვის ობიექტებს გახსნის. პირველი ცენტრი გამოჩნდება ნოვაია კახოვკაში და მიმდებარე ტერიტორიაზე, განუცხადა TASS-ს შაბათს რეგიონის სამხედრო და სამოქალაქო ადმინისტრაციის უფროსის მოადგილემ, კირილ სტრემუსოვმა.
გარდა ხერსონისა, როგორც უახლეს ანალიზში აშშ-ში დაფუძნებული ომის შესწავლის ინსტიტუტი (ISW) იუწყება, რუსეთის საოკუპაციო ხელისუფლებამ რუსული პასპორტების გაცემა მელიტოპოლშიც დაიწყო.
მიუხედავად ამისა, “ისინი კვლავ აწყდებიან გამოწვევებს ოკუპირებულ ტერიტორიებზე საზოგადოებრივი კონტროლის დამყარებაში და უკრაინის პარტიზანული მოქმედებების შეჩერებაში”,- ნათქვამია ანგარიშში.
ISW ასევე წერს, რომ რუსეთის ჯარებმა წარუმატებელი შეტევები განახორციელეს იზიუმის სამხრეთ-აღმოსავლეთით და სამხრეთ-დასავლეთით და ლიმანის დასავლეთით, მაგრამ ნაკლებად სავარაუდოა, რომ ისინი შეძლებენ წინსვლას სლავიანსკისკენ.
რუსულმა ძალებმა მიაღწიეს შეზღუდულ წარმატებას აღმოსავლეთ სევეროდონეცკში, მაგრამ უკრაინული ძალები აგრძელებენ კონტრშეტევების განხორციელებას. რუსეთის ჯარებმა ვერ შეძლეს დაკარგული პოზიციების აღდგენა ხერსონის რაიონის ჩრდილო-აღმოსავლეთით და განაგრძეს ადრე დაკავებული პოზიციების დაცვა.
