დღე: სექტემბერი 7, 2022

მოძრაობა “აი ია-ს” დამფუძნებელი ვატო შაქარიშვილი მიიჩნევს, რომ შესაბამისი უწყებები უნდა დაინტერესდნენ ქვეყანაში სახელმწიფო გადატრიალების მომზადების და მასში უცხო ქვეყნის მოქალაქეების ჩართულობის საკითხით.  ამით შაქარიშვილი თბილისში გამართულ კონფერენციას ეხმიანება, რომელსაც ევროპელი პოლიტიკოსები ესწრებოდნენ.  “ქვეყანაში ჩამოსულია ათეულობით უცხოელი, რომლებიც ღიად ლაპარაკობენ რევოლუციურ სცენარზე. ქართული გვარის მქონე, სააკაშვილის შემდეგ ყველაზე დიდი არაქართველი არახამია აცხადებს, რომ ის დაეხმარება ოპოზიციას ძალაუფლების აღებაში! ფიზიკურად ვერ იარსებებს ამაზე მეტი მტკიცებულებები!” – წერს შაქარიშვილი.

„მე კომიკურად მიმაჩნია ამის ნიკა მელიას ინიციატივად მონათვლა. მე თუ კიდევ ერთხელ დავიწყებ ვადამდელ არჩევნებზე საუბარს, ეს ჩემი ინიციატივა გახდება?! „კარგი იქნება ვადამდელი არჩევნები“ – თქვენ ახლა მიხვალთ და კითხავთ მელიას ბოკერიას ინიციატივაზე რას იტყვითო?! – არა, ჰო და ზუსტად ასევე მინდა ვთქვა, ეს არანაირი მელიას ინიციატივა არ არის, ეს არის მორიგი ჰაერის გამოშვება.“ – ასე ეხმაურება „ევროპული საქართველოს“ თავმჯდომარე, გიგა ბოკერია ვადამდელ არჩევნებთან დაკავშირებით მელიას განცხადებას. „ეს პოზიცია არსებობს დიდი ხანია და ევროპულ საქართველოს ეს პოზიცია გვაქვს თავიდანვე, როცა სულელურ ლაპარაკს ჰქონდა ადგილი, რომ 12 პუნქტზე შეძლებდნენ თუ ვერა შეთანხმებას…

საავტომობილო გზების დეპარტამენტის ცნობით,​ უბისა-შორაპნის ​გზის მონაკვეთზე 8 სექტემბერს, ღამის საათებში მოძრაობა ნაწილობრივ შეიზღუდება. „თბილისი–სენაკი–ლესელიძის საავტომობილო გზის 166-ე კმ-ზე, უბისა-შორაპნის მონაკვეთის მშენებლობის პროცესში, დეპარტამენტის კონტრაქტორი ორგანიზაცია „ჩინეთის გზებისა და ხიდების კორპორაციის საქართველოს ფილიალი“ ახორციელებს ხიდზე ლითონის კოჭების მონტაჟს. ამის გამო, ავტოტრანსპორტის უსაფრთხო გადაადგილების მიზნით, 2022 წლის 8 სექტემბერს, 00:00-დან 08:00 საათამდე აღნიშნულ მონაკვეთზე ავტოტრანსპორტის მოძრაობა 30-წუთიანი ინტერვალით ნაწილობრივ შეიზღუდება (ერთი სამოძრაო ზოლის ჩაიკეტება). დღე-ღამის დანარჩენ პერიოდში ავტოტრანსპორტის გადაადგილება თავისუფალია“, – აცხადებენ გზების დეპარტამენტში.

88-ხმით ერთხმად, პარლამენტმა, პირველი მოსმენით, დაუჭირა მხარი რეგლამენტში დაგეგმილ ცვლილებებს, რომლის საფუძველზეც სახალხო დამცველის კანდიდატის წარდგენა და არჩევა ახალი წესით მოხდება. პროექტი პლენარულ სხდომაზე დაჩქარებული წესით განიხილეს.  რეგლამენტის პროექტით, სახალხო დამცველის არჩევის დროებითი წესი დგინდება, რაც იმას ნიშნავს, რომ სპეციალური მუხლი რეგლამენტის გარდამავალ დებულებებს დაემატება.