დღე: სექტემბერი 9, 2022

ევროკავშირის საბჭომ რუსეთთან სავიზო რეჟიმის გამარტივების შეთანხმების სრული შეჩერების გადაწყვეტილება მიიღო -ამის შესახებ ნათქვამია ევროკავშირის საბჭოს ვებგვერდზე. შესაბამისად, ამიერიდან სავიზო კოდექსის ზოგადი წესები რუსეთის ფედერაციის მოქალაქეებზეც გავრცელდება.  ევროკავშირის ეს გადაწყვეტილება რუსეთის ფედერაციის მოქალაქეებისთვის ნიშნავს: ვიზის მოსაკრებლის გაზრდა 35-დან 80 ევრომდე, დამატებითი დოკუმენტური მტკიცებულებების მიწოდების საჭიროება, ვიზის დამუშავების დროის გაზრდა, მრავალჯერადი ვიზების გაცემის წესების გამკაცრება. ჩეხეთის რესპუბლიკის შინაგან საქმეთა მინისტრის, ვიტ რაკუზანის თქმით, სავიზო რეჟიმის გამარტივების შეთანხმება გულისხმობს პრივილეგირებულ წვდომას ევროკავშირში სანდო პარტნიორების მოქალაქეებისთვის, რომლებთანაც არსებობს საერთო ღირებულებები. გადაწყვეტილება, გამოქვეყნდება ოფიციალურ ჟურნალში 2022 წლის 9 სექტემბერს და  12 სექტემბრიდან ამოქმედდება.

ავიაკომპანია Air Moldova, ოფიციალურ ვებ-გვერდზე განცხადებას აქვეყნებს, რომლის მიხედვითაც ისინი მოსკოვის მიმართულებით ფრენების 1 ოქტომბრიდან განაახლებენ.  ავიაკომპანიაში განმარტავენ, რომ მოსკოვში ფრენების აღდგენის გადაწყვეტილება მიღებულია სახლში დაბრუნების მსურველი მოლდოვის მოქალაქეების მრავალრიცხოვანი მიმართვის საფუძველზე. ამასთან, Air Moldova-ის განცხადებით, მოსკოვში რეისების აღდგენა უკავშირდება მგზავრების მოთხოვნებს, გამოიყენონ პანდემიის დროს და თებერვალში საჰაერო სივრცის დახურვის შემდეგ შეძენილი ბილეთები. “რუსეთის ფედერაციაში და რუსეთის ფედერაციიდან რეისების აღდგენა არის პასუხი ჩვენი თანამოქალაქეების თხოვნებზე,” – აღნიშნავენ ავიაკომპანიაში. მოლდოვამ რუსეთთან საჰაერო მიმოსვლა თებერვლის ბოლოს, რუსეთის უკრაინაში ინტერვენციის შემდეგ შეწყვიტა.

საქართველოს პრემიერ-მინისტრის განცხადებით, მრავალეროვნული სწავლება – “ღირსეული პარტნიორი” არის კიდევ ერთი წინგადადგმული ნაბიჯი პარტნიორ ქვეყნებთან საერთაშორისო თანამშრომლობის გაღრმავებისა და ნატოსთან ურთიერთთავსობადობის მიმართულებით-ამის შესახებ  ირაკლი ღარიბაშვილმა მრავალეროვნული სწავლების- “ღირსეული პარტნიორი 2022-ის” დახურვის ღონისძიებაზე სიტყვით გამოსვლისას განაცხადა. მთავრობის მეთაურმა სწავლებაში ჩართულ სამხედრო მოსამსახურეებს მადლობა გადაუხადა. ირაკლი ღარიბაშვილმა განსაკუთრებული მადლობა გადაუხადა ქართველ სამხედროებს და აღნიშნა, რომ მათ კიდევ ერთხელ გამოაჩინეს თავიანთი მაღალი პროფესიონალიზმი და პასუხისმგებლობა. “ქალბატონო პრეზიდენტო, ბატონო თავდაცვის ძალების მეთაურო, ბატონო გენერლებო, ოფიცრებო, სერჟანტებო, კაპრალებო,  რიგითებო, ქალბატონო ელჩო, დიპლომატიური კორპუსის  წარმომადგენლებო, ყველას მოგესალმებით. პატივცემულო სტუმრებო, გილოცავთ მორიგი მრავალეროვნული სწავლების -“ღირსეული პარტნიორი 2022-ის” წარმატებულ…

დღეს პარლამენტი სახალხო დამცველის შერჩევის წესზე მესამე მოსმენით იმსჯელებს-პარლამენტმა ინიციატივას კენჭი უნდა უყაროს. “ქართულ ოცნებაში” აცხადებენ, რომ ოპონენტების შენიშვნები, რომლებიც მმართველმა ძალამ საკომიტეტო განხილვებისას წარადგინეს გათვალისწინებულია. შესაბამისად ოცნებაში არ გამორიცხავენ, რომ ოპოზიციაზე გავლენა ომბუდსმენის განცხადებას მოეხდინა. რაც შეეხება მოქმედი ომბუდსმენის განცხადებას, მმართველ გუნდში მას დაუსაბუთებელი და მიკერძოებული უწოდეს.  “ოპოზიცია მხარს უჭერდა აღნიშნულ კანონპროექტს, პირველი მოსმენის დროს მხარი დაუჭირა და უფრო მეტიც საკომიტეტო მოსმენაზეც მეორე მოსმენის დროს მატ მხარი დაუჭირეს ამ ინიციატივას. ამის შემდეგ სახალხო დამცველის განცხადება იყო, ფაქტობრივად ეგ იყო მოწოდება ოპოზიციური ჯგუფებისთვის, რომ ამ კანონს მხარდაჭერა არ ჰქონია და ამის შემდეგ…

“გირჩი – მეტი თავისუფლების” თავმჯდომარე, ზურაბ ჯაფარიძე აქციების დროს არსებულ პრობლემებზე საუბრობს, მან ორი ძირითადი საკითხი გამოჰყო : “ერთი პრობლემა მდგომარეობდა იმაში, რაზეც საჯაროდ  ისაუბრეს მერე ორგანიზატორებმა, რომ რაღაცებზე ვერ შეთანხმდნენ, მათ შორის, ჩემი დაკვირვებით, ძალიან ბევრი ადამიანი იყო ჩართული გადაწყვეტილებების მიღების პროცესში და როგორც სჩვევია ხოლმე ამ ქვეყანაში ეგეთი ტიპის  პროცესებს, ვერ შეთანხმდნენ. მათ შორის, რაღაცებზე,  რაზეც შეთანხმდნენ, მეც კრიტიკული დამოკიდებულება მქონდა, მაგრამ, საბოლოო ჯამში, მათ ქონდათ “ლიდერშიფი” აღებული ამ პროცესზე და წაიყვანეს, როგორც წაიყვანეს. ეს არის ერთი ნაწილი. მეორე ნაწილი  პოლიტიკოსებსაც ეხება და იმ ხალხსაც, ვინც ჩართული იყო…

“რთველი 2022”-ის ფარგლებში, ღვინის საწარმოებს ყურძენი ათასზე მეტმა მევენახემ ჩააბარა. კახეთში უკვე გადამუშავდა 24 ათას ტონამდე მოსავალი. ყურძენი ამ დროისთვის ძირითადად დედოფლისწყაროსა და სიღნაღის მუნიციპალიტეტებში იკრიფება. მთავრობის გადაწყვეტილებით, 2022 წლის რთველის მხარდასაჭერად, სუბსიდირება განხორციელდება. სუბსიდიას მიიღებს ყველა ის კომპანია, რომელიც რთველის განმავლობაში შეიძენს და გადაამუშავებს კახეთის რეგიონში მოწეულ არანაკლებ 100 ტონა რქაწითელის ან კახური მწვანის ჯიშის ყურძენს და 1 კილოგრამ ყურძენში მევენახეს გადაუხდის არანაკლებ 90 თეთრს.